NYTT ÅR MED NYE MULEGHEITER

Måndag 16. januar hadde vi eit nytt møte med arkitekten. Vi gjekk gjennom forslaget til planløysing på nytt med tanke på det ombyggings-/oppussingsarbeidet som skal gjerast. Det er viktig å få på plass el-punkt og plassering av lyspunkt, få fargekodar til det som skal malast av veggar og tak og anbefalingar på valg av golvbelegg. Vi diskuterte også plasseringa av einskilde funksjonar, som t.d. pc-ar for publikum, kaffemaskin mm. Arkitekten vil no jobbe med dette og ha klart sitt endelege forslag til vi skal ha møte med eininga for plan-, bygg og drift i kommunen om eit par veker.